Иммунограмма – бұл иммундық жүйені бағалауға бағытталған қанның зерттеуі. Берілген зерттеу бірнеше көрсеткіштерді біріктіруші, иммунитет жұмысын сипаттайтын кешен.

Әдетте адамның иммундық қорғаныштың негізгі параметрлерін анықтайды:

• лейкоциттер (қанның ақ түйіршіктері) саны және функционалдық қабілеті, олардың пайыздық ара қатынасы; ·
• жасушалық иммунитет – Т- және В –лимфоциттер және олардың популяцияларының жалпы саны;
• гуморальды иммунитет - А, М, G, Е класындағы иммуноглобулиндердің (антиденелердің) деңгейі;
• комплимент жүйесінің (комплименттің С3 және С4 компоненттері) көрсеткіштерін анықтау.  

Иммунограмма бүтін иммундық жүйені бағалауға мүмкіндік береді және ол иммунды тапшылықты диагностикалауда негізгі зерттеу ретінде тағайындалады.  

Иммунды тапшылық – бұл иммундық жүйе жұмысының жеткіліксіздігі. Иммундытапшылықтың негізгі көріністері – жұқпалы аурулардың ауыр ағымына бейімділік.   

Зерттеуге көктамырдан алынған қан қажет етіледі. Талдауды етеккір кезінде, жедел инфекциялық және қабынулық аурулар кезеңдерінде тапсыру ұсынылмайды.  

ИММУНОГРАММАҒА ҚАН ТАПСЫРУҒА ДАЙЫНДЫҚ:

Ø     талдау таңертеңгі сағат 7-ден 10-ға дейін тапсыру керек;

Ø     зертханаға аш қарында келу, ашығу аралығы 8-12 сағат; 

Ø     зерттеуге дейін 24 сағат бұрын ішімдік қабылдамау керек;

Ø     зерттеуге дейін 2-3 сағат бұрын темекі шекпеу керек;

Ø     бірнеше күн бұрын толығымен қандай да бір дәрі-дәрмектерді қабылдамау керек, егер ол мүмкін болмаған жағдайда дәрігерді ескерту қажет.

Ø     зертханаға баратын күні жаттығулар жасамау керек және абыржуға/күйгелектенуге болмайды.