2024 жылғы 24-25 тамызда Астанада функционалдық көпсайыстан Қазақстан Чемпионаты өтті. Ұйымдастырушы - Қазақстандық Функционалдық көпсайыс федерациясы, ал ресми серіктесі - ОЛИМП КДЗ желісі.

Чемпионатқа 110-нан астам адам тіркелді, бірақ іріктеуден әртүрлі жастағы - 14 және 65 жас аралығындағы 70-ке жуық қатысушы өтті. Жарысқа Астана, Алматы, Рудный, Қарағанды, Семей, Петропавл, Ақтөбе, Өскемен, Қостанай сияқты 9 әртүрлі қаладан спортшылар қатысты. Дәрігерден жоғары қарқынды жарыстарға рұқсат алу Чемпионатқа қатысудың негізгі талаптарының бірі болды.

Чемпионат 23-тамызда қатысушыларды тіркеуден басталды. Ал жарыс келесі екі күні өткізілді.

Бағдарлама өте қарқынды болды. Спортшылар жүзу, ауыр атлетика, күш жаттығулары және кешендер сияқты санаттарда бір-бірімен жарысты.

Чемпионаттың бірінші күні "Барыс Аренада" басталды, онда қатысушылар жылдамдыққа жүзіп өтті. Күннің екінші жартысы Триатлон саябағында өтті, онда спортшылар күрделі жаттығулар жасап, өздерінің күшін, жігерін мен төзімділігін көрсетті.

Чемпионатқа ерлер мен әйелдер келесі санаттарда қатысты: Scaled, Junior, Intermediate, Masters 45+, RX.

Жарыстың мақсаты — функционалдық көпсайыс пен салауатты өмір салтын насихаттау, жағымды спорттық әдеттерді қалыптастыру, еліміздің ең дайын спортшыларын анықтау, олардың шеберліктерін арттыру. Ең бастысы - 2024 жылғы желтоқсанда Будапештте өтетін IF3 2024 Әлем чемпионатына қатысу үшін Қазақстан құрамасын қалыптастыру.

Жалпы жүлде қоры 3 500 000 теңгені құрады. 10 санаттың әрқайсысынан бірінші, екінші және үшінші орын алған 3 жеңімпаз таңдалды.

Чемпиондарымызды құттықтаймыз және оларға халықаралық кеңістікте жетістікке жетуін тілейміз!