Beta-Cross laps – бұл коллагеннің ыдырау өнімі, оның 90 пайызы сүйек ұлпасының органикалық бөлігін құрайды. Басқа сөзбен айтқанда сүйектің бүлінуі жүріп жатқанда оның ішіндегі коллагеннің зақымдануы жүреді, соның салдарынан коллаген қалдықтары (фрагмент) - (Beta-Cross laps) қан ағымына шығады.

Сүйек ұлпасы резорбциясының (бүлінуі) екі типі бар: физиологиялық және патологиялық. Патологиялық резорбция гормональді дисбаланс немесе микроэлементтердің дисбалансы (басым көпшілік жағдайда кальций мен фосфор) сияқты жағдайларда туындайды. Бұл жағдай остеопороз деп аталады.

Остеопороздың көптеген себептері, сондай-ақ оның пайда болуына ықпал жасайтын қауіп факторлары бар. Аурудың белгілері сүйектің морттылығында жатыр, осыдан негізгі клиникалық көрінісі өрбиді:

• Бойының төмендеуі;
• Омыртқа проекциясы бойынша арқасының ауырсынуы;
• Бүкірлік және омыртқаның қисаюы;
• Сүйектің ұзақ және ауыр бітіп кетуімен сипатталатын патологиялық сынулар.

Beta-Cross laps концентрациясын анықтайтын қан талдауының диагностикалық құндылығы ем бастамас бұрын сүйектің резорбция қарқындылығын бағалау мүмкіншілігінде жатыр. Келешекте емнің тиімділігін бақылауға болады, оңтайлы динамиканы сүйек ұлпасының өз-өзінен бүліну қарқындылығының азаюы аңғартады. Бұдан басқа оңтайлы динамиканы емдеу басталғаннан кейін 3 айдан соң Cross laps деңгейінің төмендеуінен аңғарамыз, бұл арада сүйектің денситометриялық тығыздығы (УДЗ әдісі) тек 12-24 айдан кейін ғана артады.