Бенс-Джонс нәруызы – бұл зәрде анықталатын иммуноглобулиндер тобы. Олардың зәрде пайда болуы жиі көпмөлшерлі миеломаға тән.

Алғашқы рет аталған нәруызды ағылшын дәрігері Генри Бенс-Джонс зәр үлгілерін зерттеу барысында сипаттаған және осыған байланысты атауы берілген. Бенс-Джонс нәруызы көпмөлшерлі миеломамен сырқаттанатын 50-70% науқастарда, 30-40% Вальденстрем макроглобулині бар науқастарда және біріншілік амилоидозы бар 90% науқастарда анықталады.

Бенс-Джонс нәруызы басқа жағдайларда: лимфома, лейкоз (жиі созылмалы лимфолейкоз немесе плазма жасушалық лейкоз), ұйқы безінің обырында, қалқанша безінің медуллярлы карциномасында, генезі белгісіз қатерсіз гаммапатияда зәрде анықталады.