Дүниежүзілік денсаулық сақтау ұйымының (ДДҰ) қызметкерлері Алматыдағы ОЛИМП - Қазақстанның жетекші клиникалық-бактериологиялық зертханаларының біріне барды. Сапар барысында ДДҰ сарапшылары зертхананың жаңа жабдықтарына және оның мамандарының жаһандық қауіпке — микроағзалардың антибиотиктерге төзімділігінің дамытуын зерттеуге қосқан елеулі үлесіне жоғары баға берді.
Профессор Владимир Кантарелли, ДДҰ жетекші сарапшысы, антибиотикке төзімді патогендердің таралуын болдырмауда зертхана қызметкерлері құзыреттілігінің негізгі рөлін атап өтті. Ол емдеу сәттілігі зертханалық зерттеулердің дәлдігіне, уақтылығына және сапасына тікелей байланысты екенін айтты.
ОЛИМП зертханасы бүгінде әлемдік стандарттарға сәйкес келетін Қазақстандағы ең озық зертханалардың бірі болып табылады. Микроағазаларды дәл анықтауға арналған MALDI-TOF MS жүйесін, сондай-ақ BIO-RAD және Beckman Coulter компаниялары ұсынған микроағазалардың сезімталдығын бағалауға арналған сараптамалық жүйелерін пайдалану зертханаға тиімді антибиотикалық терапияны тағайындау үшін қажетті жоғары сапалы және жедел нәтижелерді ұсынуға мүмкіндік береді.
ДДҰ мәліметтері бойынша 2050 жылға қарай антибиотикке төзімділік жыл сайын 10 миллионға дейін халық өліміне әкелуі мүмкін. Қазақстанда белгілі бактериялардың шамамен 70%-ы бір немесе бірнеше антибиотиктерге төзімділікті көрсетеді. Медицинаның жалпы жұқпалы ауруларды емдеу қабілетіне қауіп төндіретін төзімділік деңгейі артып келеді. Пневмония, туберкулез, сепсис, гонорея және тағамдық аурулар сияқты жұқпалардың көбеюін емдеу қиынға соғады, кейде антибиотиктер тиімділігінің төмендеуіне байланысты мүлдем емделмейді.
Сапар Қоғамдық денсаулық сақтау ұлттық орталығы, Х.Жұматов атындағы Гигиена және эпидемиология ғылыми орталығы, Санитарлық-эпидемиологиялық сараптама және мониторинг ғылыми-практикалық орталығы ұйымдастырған тренингтер аясында өтті. Денсаулық сақтау жүйесінің барлық қатысушыларының бірлескен күш-жігері ғана микроағзалардың антибиотиктерге төзімділігінің арту қаупіне тиімді қарсы тұруға мүмкіндік беретініне нық сенімдіміз.
